Trajneri i Llapit, Tahir Batatina, ka pohuar për “RTV Dukagjinin” se Hajduku i Splitit ka bërë ofertë zyrtare për Elvir Gashijanin.
“Kemi disa oferta. Mund ta përmendi ofertën zyrtare të Hajdukut të Splitit. Kemi biseduar dhe do të bisedojmë sërish për të gjetur gjuhë të përbashkët me klubin kroat në mënyrë që Elviri ta vazhdojë karrierën në Kroaci. Nëse nuk ndodh në janar, atëherë për në verë është punë e kryer. Oferta e parë ka qenë 200 mijë euro, por e kemi refuzuar. Kërkojmë më shumë, e po ashtu edhe përqindje në kartonin e lojtarit. Elviri është lojtar i talentuar dhe besoj që do ta shohim në ndonjë klub të madh evropian”, u shpreh Batatina.
Gashijani ka pasur paraqitje shumë të mirë me Llapin në stinorin vjeshtor. Ka shënuar dy gola dhe ka asistuar një herë.
Ai ka luajtur me sukses edhe për Kosovën U19, duke shënuar dy gola kundër Ukrainsë U19.