Halimi: Mustafën e kam takuar dy herë gjatë luftës, nuk kam njohuri për njësitin BIA

Dëshmitari i 11-të i mbrojtjes, Musli Halimi, në seancën e së mërkurës së 20 prillit në gjykimin për krime lufte ndaj Salih Mustafës në Hagë ka thënë se nuk e di se kur e ka kuptuar që Mustafa është komandant i njësitit BIA.

Halimi para gjykatës ka thënë se, nuk ka shumë njohuri për njësitin BIA-s dhe se Mustafën e takoi gjatë luftës një apo dy herë.

Dëshmitari Musli Halimi, duke u përgjigjur në pyetje të prokurores Silvia D’Ascoli, ka deklaruar se Adem Shehu ka ardhur në brigadë nga fundi i marsit, kurse bëri të ditur se me 1 shkurt është emëruar komandant i zonës stërvitore në Zllash, ndërsa më herët kishte qenë ushtar i thjeshtë.

Ai konfirmoi se ka kontribuar në përgatitjen e qendrës stërvitore, në mënyrë që e njëjta të fillonte të punonte.

“E kam pas një shok në brigadë, ka qenë edhe ai i burgosur politik, edhe ai na ka treguar që edhe ai ka qenë në burg me to. Më ka treguar që ka qenë i burgosur politik dhe se Salih Mustafa është komandant i BIA-së”.

Sipas dëshmitarit të mbrojtjes, pas funksionalizimit të qendres stërvitore, ai ishte marrë me trajnimin dhe përgatitjen e rekrutëve.

Salih Mustafa, ish-udhëheqës i UÇk-së

Ai ka punuar sipas plan-programit që e kanë pasur, ku i është përmbajtur të njëjtit dhe është dashur të kryej detyrat e tij.

“Nuk kam pas mundësi të di emrat e tyre përmendësh, të të gjithëve, bile as një përqindje të vogël. Por, ju kam përmbajt planit. Rekruti ka ardh me u stërvit, sëm ka interesu emri i tij, prej ku ka ardh e qysh ka ardh. Qëllimi jem ka qenë ta kryej detyrën time, me temat që i kam pas sipas plan-programit”, bëri të ditur dëshmitari.

Sipas tij, personi me nofkën “mësuesi” ka qenë përgjegjës për personelin dhe logjistikën, duke përfshirë listat, kurse tha se nuk e mban mend se ku i mbante i njëjti listat me emrat e rekrutëve.

Silvia D’Ascoli, prokurore e Gjykatës Speciale

Halimi theksoi se ka ndodhur një herë apo dy që është takuar rrugës në Zllash me Mustafën.

Sipas Halimit, emri i personit me nofkën “Triumfi” ka qenë Emin Borovci, ndërkaq emri i personit me nofkën “mësuesi”, tha se nuk i kujtohet, ndërkaq bëri të ditur se mbiemrin e ka pasur Gashi.

Ky dëshmitar pritet të vazhdojë dëshminë e tij në seancën e së enjtes së 21 prillit.

Aktakuza ndaj Mustafës është konfirmuar më 12 qershor 2020.

“Aktakuza e konfirmuar përcakton se afërsisht midis 1 prillit 1999 dhe 19 prillit 1999, në një kompleks ndalimi në Zllash, Kosovë, u kryen krimet e ndalimit arbitrar, trajtimit mizor dhe të torturës kundër të paktën gjashtë personave. Gjithashtu, në aktakuzë thuhet se në një datë midis 19 prillit 1999, ose rreth kësaj date, dhe rreth fundit të prillit 1999, në atë vendndodhje u vra një i ndaluar”, thuhet në njoftim të Gjykatës Speciale.

Në aktakuzën e konfirmuar, Salih Mustafa akuzohet në kuadër të formave të ndryshme të përgjegjësisë penale, për: ndalim arbitrar, trajtim mizor, torturë dhe vrasje të paligjshme si krime lufte të kryera në kontekstin e konfliktit të armatosur jo ndërkombëtar në Kosovë, ose në lidhje me atë konflikt.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

Avokati Gashi: Ka neglizhencë të hetimeve, Astrit Dehari është goditur...

Avokati Tomë Gashi ka njoftuar se të premten e 12 gushtit do të mbajë konferencë për media në lidhje me rastin e vdekjes së...

Të fundit nga rubrika