Zëdhënësja e Lidhjes Demokratike të Kosovës (LDK), Sibel Halimi, ka thënë se qytetarët e vendit kanë humbur vite “duke u mashtruar e manipuluar me kauzat fiktive të Vetëvendosjes, vetëm për të marrë pushtetin”.
Halimi ka thënë se nga takimi i djeshëm në Bruksel, kryeministri Kurti është pajtuar “ta amnistojë Serbinë nga krimet e luftës, duke i lënë vetëm një rrëfim historie”.
“Vetëvendosje është partia që duhet të përfshihet si studim në ligjërimet e shkencave humane dhe sociale”, ka shkruar zëdhënësja e LDK-së.
Sipas saj, partia Vetëvendosje është “ajo që prek në sentimentin e ndjeshëm të qytetarëve vetëm për pushtet, dhe fatkeqësitë e vendit i përdor për ta rritur frymën populliste dhe fuqinë manipuluese”.