Hamasi ka publikuar një video që tregon provën e parë të jetës së dy pengjeve të tjerë që mbahen në Gaza.
Në pamjet pa datë të filmuara nën presion, Omri Miran thotë se ai është mbajtur për 202 ditë dhe Keith Siegel përmend festën e Pashkës së kësaj jave, duke treguar se klipet janë filmuar së fundmi.
Siç raporton BBC, të dy u kapën kur Hamasi nisi sulmet e tij vdekjeprurëse më 7 tetor.
Duke iu përgjigjur videos, familjet e tyre thanë se do të vazhdojnë të luftojnë për kthimin e burrave.
Ata gjithashtu i kërkuan qeverisë izraelite të sigurojë një marrëveshje të re për lirimin e pengjeve.
Videoja e re vjen ndërsa Hamasi tha se po studionte propozimin e fundit të Izraelit për një armëpushim. Raportet e medias thanë se ndërmjetësi Egjipti kishte dërguar një delegacion në Izrael për t’i dhënë shtysë të re negociatave të ngecura.
Një ujdi e tillë që përfshinte një marrëveshje për lirimin e pengjeve të mbetura mund të ndalonte sulmin tokësor të planifikuar të Izraelit në qytetin jugor Rafah , tha të shtunën ministri i jashtëm i Izraelit.