Kryetari i Partisë Demokratike të Kosovës, Bedri Hamza, ka zhvilluar një takim me ambasadorin e ri të Gjermanisë në Kosovë, Rainer Rudolf, ku ka diskutuar për zgjedhjet e ardhshme.
Hamza i ka shprehur ambasadorit të ri gjerman gatishmërinë për të formuar sa më shpejt institucionet e reja pas zgjedhjeve.
Në një postim në Facebook, Hamza ka theksuar rëndësinë e përkrahjes ndërkombëtare për Kosovën, duke kërkuar veçanërisht heqjen e sanksioneve të Bashkimit Evropian, mbështetjen për anëtarësimin e vendit në Këshillin e Evropës dhe avancimin drejt statusit të vendit kandidat për në BE.
“Kosova ka vetëm një drejtim përpara: rrugën euroatlantike,” ka shkruar Hamza në Facebook.