Kryetari i Partia Demokratike e Kosovës, Bedri Hamza, ka bërë të ditur se Aida Dërguti i është bashkuar këtij subjekti politik.
Hamza përmes një postimi në “Facebook” e ka cilësuar Dërgutin si një aktiviste të dalluar dhe qytetare të përgjegjshme, e cila, sipas tij, për vite me radhë ka kontribuar në shërbim të vendit.
“Sot e mirëprita në Partinë Demokratike të Kosovës, Aida Dërgutin, një aktiviste të dalluar dhe qytetare të përgjegjshme, para se të jetë politikane”, ka deklaruar Hamza.
Lideri i PDK-së, Bedri Hamza ka vlerësuar angazhimin e Aida Dërgutit ndër vite, duke theksuar se ajo gjithmonë ka pasur për synim t’i shërbejë vendit. Këtë ai e ka thënë në pritjen që i ka bërë asaj gjatë aderimit në PDK.
“Një zonjë që, për dekada me radhë, ka pasur vetëm një qëllim: t’i shërbejë Kosovës, në çfarëdo kapaciteti që i është besuar”, është shprehur kreu i PDK-së.
Hamza ka potencuar gjithashtu se drejtësia mbetet një nga parimet kryesore të bashkëpunimit të tyre politik.
“Për Aidën, siç e dinë të gjithë, drejtësia është mbi të gjitha detyrë. Dhe, në këtë mision, do të punojmë bashkë”, ka thënë ai.
Në fund të mesazhit të tij, Hamza i ka uruar mirëseardhje Dërgutit në PDK.
Aida Dërguti ka qenë një nga figurat e njohura politike në Kosovë dhe për disa vite ka ushtruar funksionin e nënkryetares së Lëvizja Vetëvendosje.
Ajo ishte pjesë e strukturave drejtuese të këtij subjekti politik dhe ishte angazhuar në aktivitetet politike dhe institucionale të Vetëvendosjes, para se të largohej nga partia në vitin 2018, kur kishte nddhur edhe qarja e madhe në këtë subjek politik pikrisht kur kishin rrjedhur disa komunikime në një grup ku Dërguti ishte ndër protagonistët e këti komunikimi.
Z