Kandidati për kryeministër nga Partia Demokratike e Kosovës (PDK), Bedri Hamza, ka bërë një premtim për pensionistët, duke u zotuar se do të rrisë pensionin bazik për 70% dhe se asnjë pension nuk do të jetë nën 200 euro gjatë qeverisjes së tij.
Hamza u shpreh se respekti dhe vlerësimi për të moshuarit që kanë kontribuar në shoqëri janë obligim shtetëror dhe do të jenë të garantuara në qeverisjen e tij.
“Një lojë e mrekullueshme shahu me pensionistin Sylejman Hajdini. Në qeverisjen time, asnjë pension nuk do të jetë nën 200 euro. Pensionin bazik do ta rris për 70% dhe pensionet kontributdhënëse do të rriten dhe përshkallëzohen sipas viteve të punës.
Respekti dhe vlerësimi i shtetit për të moshuarit që i kanë përcjellë vlerat më të mira te gjeneratat e reja është obligim dhe do të jetë i garantuar”, ka shkruar Hamza në Facebook.