Kryetari i PDK-së, Bedri Hamza, ka zhvilluar një takim me ambasadorin e Francës në Kosovë, Olivier Guerot, ku është diskutuar për situatën politike dhe sanksionet e BE-së ndaj vendit.
Hamza ka bërë të ditur se ambasadori Guerot e ka njoftuar se letra e tij drejtuar presidentit Emmanuel Macron, me kërkesën për heqjen e të gjitha sanksioneve të BE-së ndaj Kosovës, i është përcjellë kabinetit presidencial francez.
“Populli i Kosovës e meriton mbështetjen, pavarësisht se kush është në qeveri,” ka deklaruar Hamza, duke theksuar rëndësinë e rikthimit të normalitetit dhe stabilitetit në vend.
Ai shtoi se, si kryeministër i ardhshëm, prioritet i tij do të jetë forcimi i bashkëpunimit ekonomik dhe diplomatik me aleatët.