Në mëngjesin e së enjtes, Posta e Kosovës e ka hapur një degë në Mitrovicën e Veriut.
Në hapjen e degës së postës kanë marrë pjesë ministri i Administrimit të Pushtetit Lokal, Elbert Krasniqi dhe ministrja e Ekonomisë, Artane Rizvanolli.
Hapja u përcjell me protestë simbolike nga serbët lokalë të cilët e kanë kundërshtuar hapjen e saj.
Hapja e kësaj dege vjen pas mbylljes së nëntë degëve të Postës së Serbisë në veri të Kosovës, pas informacionit të siguruar nga Autoriteti Rregullativ për Komunikime Elektronike dhe Postare (ARKEP) se ato degë kanë vepruar jashtëligjshëm në territorin e Kosovës.