Ministrja e Ekonomisë, Artane Rizvanolli ka njoftuar se të enjten, nën organizimin e kësaj ministrie bashkë me USAID Kosovo, është hapur “Forumi i Solareve 2022”.
Rizvanolli ka thënë se me anë të këtij organizimi synojnë që të promovohen investimet në burimet e ripërtëritshme të energjisë.
“Fokusi i Forumit këtë vit është promovimi i investimeve në burime të ripërtëritshme të energjisë, e që është edhe pjesë e rëndësishme e Strategjisë së Energjisë 2022-2031 për diversifikimin e miksit energjetik të vendit”, ka shkruar Rizvanolli në Facebook.
Rizvanolli ka folur edhe për programin kompakt të MCC-së, i cili sipas saj do të ndikojë në stabilitetin e rrjetit të furnizimit.
“Programi kompakt i MCC në vlerë prej 236.7 milionë dollarësh për ndërtim të kapaciteteve akumuluese që do të integrohen me burime të ripërtëritshme në rrjet dhe do të ndikojë ne stabilitetin e rrjetit të furnizimit”, ka deklaruar ajo.
