Vepra më e rëndësishme infrastrukturore në jug të Shqipërisë, tuneli i Llogarasë, është hapur sot(e premte) zyrtarisht për përdorim.
Të pranishëm në ceremonin e hapjes janë kryeministri Edi Rama, ministra, deputetë e zyrtarë vendorë të qarkut Vlorë.
Tuneli i Llogorasë ka një gjatësi prej 5.9 kilometra dhe do të shkurtojë ndjeshëm kohën e udhëtimit drejt plazheve të bukura të Jugut të Shqipërisë.
Hyrja për në tunel nis nga Dukati duke shmangur kthesat e Llogarasë dhe del në fshatin Palasë. Distanca e udhëtimit në këtë segment llogaritet 7-10 minuta, nga rreth 40 minuta që përshkohej duke udhëtuar përmes Llogarasë.
Tuneli i Llogarasë, i cili u hap përpara afatit përfundimtar, do të jetë pa pagesë këtë sezon, ndërsa vitin e ardhshëm do të aplikohet pagesa për automjetet.
Hapja e tunelit të Llogarasë, Rama: Do të ndryshojë përgjithmonë udhëtimin drejt jugut