Haradinaj e kërcënon Kurtin për listat e veteranëve

Kryetari i Aleancës për Ardhmërinë e Kosovës, Ramush Haradinaj, e ka kërcënuar publikisht, kryeministrin e Kosovës, Albin Kurti, për listat e veteranëve.

Ai gjatë emisionit “Debat Plus”, në RTV Dukagjini, i ka bërë thirrje Kurtit që ta ndalojë “lojën” me këtë kategori.

“Kurti po do të bëjë të njëjtën gjë. I kam duruar krejt shpifjet e dallaveret e tij, e të tyre, ka ndodhur një proces gjyqësor, mos luaj më shumë me këto kategori, mos u tall më me to. Ky është kërcënim publik dhe serioz. Nuk durojmë më”, është shprehur Haradinaj.

Siç ka theksuar Haradinaj, mosrritja e pagave dhe rishikimi i listave të veteranëve do ta nxjerrin atë në rrugë për të protestuar.

Ai ka thënë se, Kurti nuk ishte në Zonën Operative të Dukagjinit, për të konstatuar numrin e veteranëve.

“Kur është bërë zona e lirë, ne kemi pasur mbi 10 mijë ushtarë, njerëz me armë. Mos të ofendohen këta njerëz. Albin Kurti e ka pasur për zgjedhje këtë tezë me veteranët. Votat i ka marrë, dhe mjaft më me ofendime”, ka vazhduar Haradinaj.

Sipas tij, Kurti është i detyruar që ta rritë pagën minimale, në të cilën do të përfshihen edhe veteranët.

“Albin Kurti nuk mund të fshihet më. Nuk ka çare pa e rrit pagën minimale. Nuk ka çare pa i përfshirë edhe veteranët dhe kategoritë e lirisë në të njëjtat kritere. Unë po ia jap sot një paralajmërim Kurtit, po i ofendove veteranët, do të më kesh me ta në rrugë. Dhe nuk të falim, pasi je duke bërë shaka”, është shprehur ai.

Ndërkaq, deputeti i Lëvizjes Vetëvendosje, Mefail Bajqinovci, të mërkurën e 30 marsit, e kishte akuzuar Partinë Demokratike të Kosovës dhe AAK-në, se, të njëjtat, në listat e veteranëve të Ushtrisë Çlirimtare të Kosovës, i kanë futur personat të cilët nuk ishin pjesë e fushëbetejës.

Ai përmes një postimi në Facebook, këto dy parti politike i ka konisderuar si “fabrika prodhuese” të dëmeve të luftës.

“Veteranët e rrejshëm, titullin e tyre nuk e kanë marrë në fushëbeteja të luftës, por, në zyrat e partive të PDK-së e AAK-së”, ka shkruar Bajqinovci në Facebook.

Ndryshe, kryeministri Kurti në një debat televiziv kishte deklaruar se, nuk mund të jenë më shumë se 20 mijë veteranë të luftës.

“Nuk ka teori mbi 20 mijë veteranë të luftës. Mund të kenë qenë pjesëmarrës në luftë, pjesëmarrës ndoshta janë 60 mijë, ndoshta edhe mbi 60 mijë, por, veteranë nuk mund ta jenë më shumë se 20 mijë”, kishte thënë ai.

Ai kishte theksuar se, qeveria e udhëhequr nga vetë ai, planifikon të bëjë një hetim sa i përket kësaj liste.

Shija e redaktorit

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Skender Beck, shqiptari nga Amerika na dërgon tinguj të Rock’n...

Shtetet e Bashkuara të Amerikës, vendi ku dolën shumë artistë të mëdhenjë si Bob Dylan, Jim Morrison, Jimi Hendrix, dhe shumë të tjerë, nga...

Më të lexuarat

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Babai i Marigona Osmanit: Në qoftë se Marigona do të...

Në Shëngjin kishin qëndruar rreth 3-4 orë, në një bisedë me Dardanin, babait të Marigona Osmanit i ishte dukur si njeri i qetë. Për...

Babai i Marigona Osmanit: Nëna e Krivaqës më thoshte kam...

Muhabi Osmani - babai i të ndjerës, Marigona Osmani, e ka përshkruar këtë të fundit si një vajzë të qetë, të urtë e të...

Të fundit nga rubrika