Ish-kryeministri i Kosovës, Ramush Haradinaj, gjatë një vizitë në familjen e dëshmorit, Daut Paçarizi në Dragobil, ka thënë se “investimi më i mirë jetësor është ai për liri e për shtet”.
Haradinaj ka thënë se e arritura më e madhe e qytetarëve është kontributi për atdheun, sepse kështu arrihet të ndërtohet shteti i fortë.
“Sot kam ndarë medaljen “ME BESIM NË ZOT, ATDHE E SHTET” për kontribut të jashtëzakonshëm në çështjen kombëtare shqiptare, për dëshmorin Daut Paçarizi, për Ferat Shala – Plaku, ndër luftëtarët e parë dhe më në moshë të Brigadës 121 Kumanova, invalidit të luftës, Isa (Hamez) Berisha post mortem dhe për tre martirët e familjes Kastrati, Isufin, Jahirin e Zymerin”, ka shkruar Haradinaj në Facebook.
“Më pas, në organizim të Nuredin Kastratit dhe Kastriot Berishës, qëndrova në shoqëri të udhëheqësve të shoqatave të dala nga lufta, deputetit Bekë Berisha, ndërmarrësve vëllezërve Blakaj, Ukë e Kastriot, e shumë bashkëluftëtarëve e familjarëve të Dëshmorëve”, ka shuar ai.
Investimi më i mirë jetësor është ai për liri e për shtet. Sa më i fortë që është shteti, si e arritura jonë më e madhe,…
Posted by Ramush Haradinaj on E diel, 2 tetor 2022
Haradinaj ka përfunduar duke thënë se ka takuar bashkëluftëtarë, familjarë të të rënëve për liri, të cilët kanë dhanë shumë e vazhdojnë të japin për shtetin.