Haradinaj kërkon rishikimin e buxhetit, thotë se gjendja është alarmante

Kryetari i Aleancës për Ardhmërinë e Kosovës (AAK), Ramush Haradinaj, ka thënë se situata ekonomike në vend është e rëndë dhe alarmante, prandaj ka kërkuar ndërhyrje në rishikimin e buxhetit të Kosovës.

Haradinaj në një konferencë të përbashkët për media me ekonomistët e partisë dhe ish-ministrat, Fatmir Gashi dhe Haki Shatri, ka kërkuar që në mënyrë urgjente të ndodhë rishikimi i buxhetit për vitin 2022.

“Kërkojmë të ndodhë rishikimi tani, urgjent. Analiza jonë e ekspertëve është se kanë ndryshuar të gjitha parashikimet në të cilat është bazuar ky buxhet, ka ndryshuar inflacioni, janë rritur çmimet, ka ndryshim në të hyrat dhe ka një situatë ta quajmë urgjente të krizës në Kosovë”, ka thënë ai.

Kryetari i Aleancës për Ardhmërinë e Kosovës (AAK), Ramush Haradinaj

I pari i AAK-së, i ka propozuar qeverisë që të parasheh disa instrumente me të cilat siç ka theksuar ai, do të ndërhyjnë në krizën financiare në vend, për fuqinë blerëse dhe vështirësitë që po kalojnë qytetarët e vendit.

“Ekziston mundësia, është reale heqja e TVSH-së, ose zero TVSH për artikujt bazë ushqimor për një kohë tre mujore për t’u rivlerësuar më tutje”, ka shtuar ai.

Kur pyetet se a e përkrah mundësinë e tërheqjes së fondeve nga Trusti, Haradinaj e ka pohuar një gjë të tillë, teksa ka shtuar se pos të drejtës së tërheqjes, duhet të gjendet edhe formula e rikthimit nga qeveria.

Ilustrim

“E kemi analizuar edhe këtë veprim me kujdes, e përkrahim. Për shumën se sa duhet të tërhiqet jemi të hapur që duhet të bëhet një analizë e kujdesshme. Po ashtu jemi të mendimit që duhet të ketë një projekt si do të kthehen këto nga qeveria, a do të mundet që kjo të jetë një veprim që nuk është vetëm në koston e qytetarit”, ka shtuar ai.

Ndryshe, deputeti nga radhët e Partisë Demokratike të Kosovës, Bekim Haxhiu, me vetiniciativë ka dorëzuar në Kuvend, Projektligjin për Fondet Pensionale të Kosovës.

Deputeti i PDK-së, Bekim Haxhiu

Këtë projektligj Haxhiu e ka dorëzuar me nëntë mars, ndërsa para një muaji kishte kërkuar që qytetarëve të Kosovës t’u rimundësohet tërheqja e një përqindje të caktuar të mjeteve të tyre vetanake të Trust-it, përkatësisht, deri në 30 për qind të vlerës totale.

Shija e redaktorit

Ballkani me fitore historike, një hap larg kualifikimit në Ligën...

Ballkani ka fituar ndeshjen ndaj Shkupit në kuadër të play-offit të Ligës së Konferëncës në Stadiumin “Todor Proeski” në kryeqytetin e Maqedonisë së Veriut. Ekipi...

KB Prishtina bëhet pjesë e garës më të re të...

Kryetari i Klubit të Basketbollit Prishtina, Blerand Stavileci ka bërë të ditur se klubi i tij ka marrë ftesën për pjesëmarrje në garën më...

DokuFesti me turistët e huaj, infuzion për ekonominë e Prizrenit

Dhjetëra e mijëra vizitorë vendorë e ndërkombëtarë kanë shkelur rrugëve të qytetit të Prizrenit gjatë javës së fundit. Shkaku i këtij fluksi turistësh në kryeqytetin historik...

Më të lexuarat

“Kemi pritur mjaft, është koha për paqe” thonë qytetarët në...

Grafitet e vendosura dhe patrullat e Policisë, janë pamjet që po e shoqërojnë Mitrovicën Veriore gjatë së enjtes së 18 gushtit. Të heshtur por në...

Escobar pas takimit me Kurtin: Asociacioni duhet të formohet sipas...

I dërguari i Shteteve të Bashkuara të Amerikës për Ballkanin Perëndimor, Gabriel Escobar, pas takimit me kryeministrin e Kosovës Albin Kurti, ka thënë se...

Mandl kërkon sqarim nga BE-ja për referimin ndaj kryeministrit Kurti...

Në njoftimin e faqes zyrtare të Bashkimit Evropian(BE) për takimin që u mbajt të enjten e 18 gushtit në kuadër të dialogut Kosovë-Serbi, është...

Të fundit nga rubrika