Ramush Haradinaj, kryetari i Aleancës për Ardhmërinë e Kosovës (AAK), në një konferencë për media ka thënë se “satelitet e Serbisë” kanë skenarë të dështimit të marrëveshjes së planit franko-gjerman dhe sipas tij, në këtë skenar është kyçur dhe kryeministri Albin Kurti”, ka thënë Haradinaj.
Haradinaj ka thënë se në këtë tetor, në Kosovë dhe Serbi kanë ardhur propozime për marrëveshjen që në përmbajtje e ka njohjen e Kosovës nga ana e Serbisë.
“Përgjigja e Kosovës nuk ishte e qartë por reagimi i Serbisë ishte mospajtimi për këtë marrëveshje”, ka thënë Haradinaj.
“Ne fillim te nëntorit, Qeveria e Kosoves ka vendosur të zbatojë vendimin për targat në veri. Aleati yne më i sigurtë, Amerika i kërkoi kryeministrit të Kosovës të pezullojë këtë vendim deri në marrëveshje”.
Ndërsa, sipas Haradinajt, Kurti ka vendosur të mos e bëj atë se çfarë ka thënë ShBA dhe sipas tij, rezultat i saj “Serbia me duart e saj të zgjatura ka arritur të nxjerrë jashtë funksionit misionet e Kosvës në veri”.
Kryetari i AAK-së është shprehur se Qeveria e ka kthyer procesin nga marrëveshja në diskutime për kthimin e serbëve dhe për Asociacionin që ishte pjesë e marrëveshjes.
“Kthimi te Amerika është kthimi te siguria, rendi dhe ligji, ndërsa ikja nga Amerika është shkuarje në Moskë”, ka përfunduar Haradinaj.