Gjatë qëndrimit të tij në Shtetet e Bashkuara të Amerikës, Haradinaj ka vizituar edhe shoqatën ”Vatra”, ku ka bashkëbiseduar për zhvillimet politike në Kosovë dhe rajon.
Përmes një postimi në rrjetin social Facebook, Haradinaj është shprehur se “Amerika nuk është vetëm aleati ynë kryesor strategjik. Ajo është atdhe për mijëra e mijëra shqiptarë, që në rrethana të ndryshme u larguan nga vendi, e tanimë kanë jetën e tyre në Shtetet e Bashkuara.”
Ai ka thënë së ka pasur kënaqësinë për vizitën që ka bërë, e gjithashtu ka ritheksuar edhe nevojen e përkrahjes së tyre për një Kosovë të sigurtë.
“Ishte fat historik për shqiptarët, që edhe pse bijtë e tyre kaluan Atlantikun, asnjëherë nuk u shkëputën nga trungu, asnjëherë nuk e harruan Atdheun. Zoti i bekoftë shqiptarët, Zoti i bekoftë Shtetet e Bashkuara të Amerikës,” ka shkruar Haradinaj.
Në vizit zyrtare në SHBA po qëndron edhe kryeministri i Kosovës, Albin Kurti, ku të shtunën e shtatë majit është takuar me drejtuesit e MCC-së.
Kurti në SHBA nis negociatat me MCC-në për projektin energjetik