Kryetari i Aleancës për Ardhmërinë e Kosovës (AAK), Ramush Haradinaj, nuk ka pranuar ta takojë kryeministrin në detyrë të Malit të Zi, Dritan Abazoviqin.
Dukagjini merr vesh se Haradinaj ka refuzuar takimin me të, për shkak të qëndrimeve të tij, e me theks atë për demarkacionin.
Gjatë kësaj të shtune, presidentja e Republikës së Kosovës, Vjosa Osmani-Sadriu, ka pritur në takim kryeministrin në detyrë të Malit të Zi Dritan Abazoviq.
Takimi në mes të Osmanit dhe Abazoviqit u zhvillua në Presidencë.
Ndërsa, të premten e 14 prillit, kryeministri në detyrë i Malit të Zi u takua edhe me kreun e ekzekutivit, kryeministrin Albin Kurti si dhe me liderët e opozitës.
Kryeministri i Kosovës Albin Kurti, gjatë takimit me Abazoviqin, ka nënshkruar marrëveshjen për Shërbime Ajrore ndërmjet Qeverisë së Republikës së Kosovës dhe Qeverisë së Malit të Zi.