I pari i AAK-së, Ramush Haradinaj, duke komentuar situatën poltike në vend ka thënë se dy partitë opozitare, PDK dhe LDK, janë bashkëpjesëmarrëse me kryeministrin, Albin Kurti në të “keqen që po i ndodhë vendit”.
Pasi sipas Haradinajt, PDK dhe LDK nuk po e mbështesin mocionin për rrëzimin e Kurtit.
“Kurti duhet me shku në shtëpi dje, e jo sot, se sot vonë jemi. Dëmet janë rritë. Për këtë jam i mërzitur nga dy partitë opozitare. Sepse para se të thonë nuk i kemi numrat, ata duhet t’i japin numrat e tyre. Duhet ta konfirmojnë gatishmërinë e tyre me e çu në shtëpi Kurtin. Bile e kishim pshtu Kurtin, mos me hy në gabime të reja, në rreziqe të reja, pasojave më të mdhaja. PDK dhe LDK janë bashkëpjesëmarrës në atë që po i ndodh Kosovës. Përderisa vazhdon përkeqësimi i gjendjes, përderisa vonojnë, janë bashkëpjesëmarrës. I bëj thirrje PDK-së dhe LDK-së, hajde ta kryejmë detyrën tonë opozitare, ju lutem. Së paku ta dëshmojmë se ne vet, me këto që kemi 40 e sa, jemi për me rrezu. Unë nuk e kuptoj hezitimin e tyre. Nuk duhet të rrimë komod, kur rreziqet janë të mëdha. E sot me nejtë komod kur aleatët na sanksionojnë, përjashtojnë. Këtë nuk e kuptoj”, ka thënë Haradinaj, në një intervistë për “KosovaLive“.