Kryetari i AAK-së, Ramush Haradinaj ka takuar kryetarin e Sindikatës së Bashkuar të Arsimit në Kosovë, Rrahman Jasharaj të dielën e 4 shtatorit.

Haradinaj përmes një postimi në Facebook, ka thënë që e vetmja zgjidhje për situatën e krijuar është rritja e pagave.

“Ka vetëm një zgjidhje, rritja e pagave”, ka shkruar ai.

Më tej ai ka thënë se qeveria sa më shpejt duhet të procedojë ligjin e pagave si dhe AAK është në mbështetje të kërkesave të grevistëve.

“Qeveria të procedojë sa më parë Ligjin e Pagave. Aleanca për Ardhmërinë e Kosovës mbështet kërkesat e drejta të sindikatave në mbarë vendin”, ka shtuar Haradinaj.

Ndryshe greva në sektorin publik ka filluar nga dita e enjte e 25 gushtit.