Ish-kryeministri i Kosovës, Ramush Haradinaj, ka reaguar ndaj vendimit të Qeverisë Kurti II, e cila nuk i ka ekzekutuar pagat ndaj mësimdhënësve të cilët kanë qenë në grevë, as më datën 5 tetor që është afati i fundit për t’i ekzekutuar.
Por kjo për të parin e Aleancës për Ardhmërinë e Kosovës(AKK), është një poshtërsi.
“Po dëshmohet se poshtërsia e tij nuk paska kufij”.
“Vendimet arbitrare të Albin Kurtit, siç është mosrealizimi i pagave për mësimdhënës, janë antikombëtare e antinjerëzore”, ka shkruar Haradinaj në Facebook.
Sipas tij, Kosova ka hyrë në një rrugë të dhimbshme.
Ndërkaq, greva në arsim kishte nisur nga 25 gushti dhe kishte zgjatur deri më 3 tetor të vitit 2022.