Kryetari i Aleancës për Ardhmërinë e Kosovës, Ramush Haradinaj ka përkujtuar terrorin që ka ndodhur 25 vjet më parë, në lagjen Bair të Mitrovicës.

“Kujtojmë me dhembje terrorin që i ndodhi vëllezërve dhe motrave tonë në lagjen Bair të Mitrovicës, 25 vjet më parë. Përulemi para sakrificës së martirëve, që jetën ia falën atdheut, të cilit çdo ditë e më shumë i afrohej liria,” shkruan Haradinaj.

Duke kujtuar masakrat nga forcat serbe.

“Me 14 Prill 1999, në Rrugën e Kovaçëve në lagjen Bair në Mitrovicë, forcat serbe masakruan dhjetëra shqiptarë. Pas ndodhjes së masakrës, ata konsideroheshin të zhdukur, derisa u gjetën më vonë të shpërndarë në disa varreza masive.”

Haradinaj thotë se dorasit e kësaj masakre nuk janë vënë para drejtësisë, e që dënimin e merituar duhet ta marin.

“Edhe pas shumë vitesh, kryesit e kësaj masakre nuk janë vënë para drejtësisë. Është obligim i yni i përbashkët që të mos ndalemi së kërkuari drejtësi. Kriminelët duhet të marrin dënimin e merituar,” shkruan Haradinaj

“Bashkëndjejmë me familjet që kanë humbur më të dashurit e tyre. Ishim me ta, jemi sot e përgjithmonë!”