Haradinaj për (mos)votimin e serbëve të Kosovës: Marrëveshja gjithpërfshirëse me Serbinë – zgjidhja e vetme

Kryetari i Aleancës për Ardhmërinë e Kosovës, Ramush Haradinaj, teksa është deklaruar lidhur me mundësinë e mbajtjes së zgjedhjeve të Serbisë në Kosovë, ka thënë se arritja e marrëveshjes me Serbinë është mundësia e vetme pët t’iu shmangur trajtimit të çështjeve veç e veç.

Ai përmes një postimi në llogarinë e tij në Facebook, ka thënë se, sa më shumë që zgjatet arritja e kësaj ujdie, aq më shumë përkeqësohet angazhimi për paqe në Ballkan.

“Çështja e të drejtës së votës për komunitetin serb të Kosovës në zgjedhjet e Serbisë është shumë e rëndësishme, por, ne duhet të shmangim trajtimin e çështjeve një nga një”, ka shkruar Haradinaj.

“Zgjidhja është marrëveshja gjithëpërfshirëse me Serbinë për njohje reciproke që do t’i rregullojë këto çështje njëherë e përgjithmonë”, ka shtuar ai.

Ndryshe, Kryeministri i Kosovës, Albin Kurti, të martën e 22 marsit ka thënë se për mbajtjen e zgjedhjeve parlamentare dhe presidenciale të Serbisë në Kosovë, duhet të ketë një marrëveshje në mes të dyja palëve.

Kjo deklaratë e tij vjen gjatë takimit virtual me ambasadorët dhe shefat e misioneve diplomatike dhe konsullore të Kosovës.

Kështu, ka njoftuar zyra e kryeministrit përmes një komunikate për media, në të cilën theksohet se, Kurti teksa iu është drejtuar ambasadorëve dhe përfaqësuesve diplomatikë, ka thënë se, “nuk dëshirojmë që t’ua pamundësojmë të drejtën e votës qytetarëve që kanë dyshtetësi”.

Ai po ashtu, ka thënë se në të njëjtën kohë nuk mund të veprojë në kundërshtim me ligjshmërinë dhe kushtetushmërinë e vendit.

Sa i përket qëndrimit të pozitës ndaj zgjedhjeve në Serbi, edhe Shefja e Grupit Parlamentar të Lëvizjes Vetëvendosje, Mimoza Kusari-Lila, gjatë një konference për media, të hënën e 21 marsit ka deklaruar se, qeveria nuk ka ndryshuar vendim.

“Kemi deklaruar disa herë me radhë që zgjedhjet mund të organizohen në bazë të Kushtetutës dhe ligjeve të Kosovës vetëm në bazë të një kërkese nga shteti serb për shtetin e Kosovës, kërkesë kjo që nuk ka ardhur. Derisa ende nuk ka ndonjë kërkesë për mbajtje të zgjedhjeve dhe vendimi mbetet i njejtë”, ka thënë ajo.

Ndërkaq, zgjedhjet parlamentare dhe ato presidenciale të Serbisë do të zhvillohen më tre prill të këtij viti.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika