I pari i AAK-së, Ramush Haradinaj, e ka ripërsëritur qëndrimin e AAK-së pro marrëveshjes së propozuar nga Bashkimi Evropian.
Pas takimin me emisarin e BE-së për dialogun Kosovë-Serbi, Miroslav Lajcak, Haradinaj tha se u informua në detaje për përfundimin e marrëveshjes.
“I kënaqur që sot në selinë e Aleancës për Ardhmërinë e Kosovës, bashkë me kolegë, pritëm në takim përfaqësuesin Special të BE-së për dialogun z. Miroslav Lajčak dhe ekipin e tij, të cilët na informuan në hollësi për progresin e arritur deri më tash në përfundimin e marrëveshjes për normalizimin e marrëdhënieve mes Kosovës dhe Serbisë”, ka thënë Haradinaj.
Plani evropian, sipas Haradinajt, ka interesa nacional, i cili siguron rrugëtimin drejt BE-së.
“Shpreha vlerësimin tim për unitetin e shteteve anëtare të Bashkimit Evropian në mbështetje të kësaj marrëveshjeje. E vlerësova lart angazhimin e jashtëzakonshëm të Shteteve të Bashkuara të Amerikës në funksion të arritjes së marrëveshjes, rol i cili është jetik në zbatimin e saj”, ka thënë ai.
Marrëveshja, sipas AAK-së, duhet të nënshkruhet më 18 mars në Ohër.