Kryetari i Aleancës për Ardhmërinë e Kosovës, Ramush Haradinaj, në selinë qendrore të Aleancës ka pritur delegacionin nga Parlamenti i Austrisë, i përbërë nga deputetët anëtarë të grupit të miqësisë Austri-Kosovë.
Në një postim në Facebook, Haradinaj ka thënë se gjatë këtij takimi është diskutuar lidhur me zhvillimet e fundit politike dhe hapat e mëtutjeshëm për depërshkallëzim të situatës në veri.
“Në takim biseduam për zhvillimet politike në vend, ku ndamë shqetësimin e përbashkët për situatën e krijuar në veri të vendit. Biseduam edhe për hapat e mëtejmë për depërshkallëzimit të situatës dhe zbatimin sa më parë të Marrëveshjes së Ohrit”, shkroi Haradinaj.
Kreu i AAK-së, gjatë bashkëbisedimit, ka vlerësuar ndihmën e Austrisë në të gjitha fazat me rëndësi për Kosovën, si në aspektin politik dhe në atë ekonomik.