Kryetari i Aleancës për Ardhmërinë e Kosovës, Ramush Haradinaj, të enjten e 15 qershorit është takuar me ambasadorin gjerman në Kosovë, Jorn Rohde.
Haradinaj ka njoftuar se gjatë takimit është diskutuar për situatën e krijuar në Kosovë dhe për mundësitë e daljes nga kjo gjendje.
Kreu i AAK-së e cilësoi këtë si takim të mirë pune, duke shtuar se ambasadorin Rohde e ka falënderuar për përkrahjen e vazhdueshme të Gjermanisë ndaj Kosovës.
“Një takim i mirë pune sot me ambasadorin gjerman, Jörn Rohde. Ambasadorin Rohde e falënderova për përkrahjen e vazhdueshme të Gjermanisë në të gjitha etapat, përkrahje që po vazhdon edhe tani, në sfidat me të cilat po përballet vendi ynë”.
“Është shqetësim i yni i përbashkët për situatën e krijuar në vend, ndërsa biseduam për mundësitë e daljes nga kjo gjendje dhe deeskalim të situatës ekzistuese”, shkroi Haradinaj në Facebook.