Kryetari i Aleancës për Ardhmërinë e Kosovës (AAK), Ramush Haradinaj, ka vlerësuar lart punën dhe sakrificën e zjarrfikësve me rastin e 4 majit, Ditës Ndërkombëtare të Zjarrfikësve.
Ramush Haradinaj theksoi se zjarrfikësit përbëjnë një nga shtyllat më të rëndësishme të shërbimit publik në vend, duke qenë çdo ditë në vijën e parë të rrezikut për mbrojtjen e jetës dhe pronës së qytetarëve.
“Krenaria e shtetit tonë janë zjarrfikësit.
Në kushte të vështira, të lënë anash dhe pa mbështetjen e duhur nga qeverisja e fundit, ata nuk u ndalën asnjëherë. Me përkushtim dhe guxim, çdo ditë janë në vijën e parë në shërbim të qytetarëve.
Sot, më shumë se kurrë, meritojnë respektin, vlerësimin dhe përkrahjen për shërbimin ndaj vendit.
Mirënjohje e thellë për secilin prej tyre.
4 maj – Dita Ndërkombëtare e Zjarrfikësve”, ka shkruar Haradinaj në Facebook.