Juristi, Bardhyl Hasanpapaj, në lidhje me draft-statutin e Asociacionit, ka thënë se nuk është problemi se kur do të publikohet, por se a është ai drafti që është parë drafti final.
Ai në emisionin “FIVE” ka thënë se problematika është se a do të jetë drafti i negociueshëm apo jo.
“Duhet ta dimë ky draft që po shihet a është drafti final, atëherë një ditë kur do të publikohet e shohim a është i mirë apo i keq”, ka thënë Hasanpapaj.
Sipas tij, nuk është shumë me rëndësi kur ky draft do të publikohet, pasi publikimi i tij nuk do ta ndryshonte përmbajtjen nëse janë marrë vesh palët për draftin final.
“Këtë draft s’e ka publikuar BE-ja, as Kosova e as Serbia, tregon që palët janë marrë vesh të mos publikohet. Mund të mbahet edhe paksa i fshehtë, në mos sot e nesër, do të publikohet herdokurdo”, ka vijuar Hasanpapaj.
Hasanpapaj ka thënë se me sa po trumbetohet nga qeveria Kurti, ky draft po shihet si avancim i madh, dhe se nga AAK-ja u tha që ky draft është hap i mirë për Kosovën.