Deputeti i Partisë Demokratike të Kosovës, Bekim Haxhiu, e ka komentuar refuzimin e kryeministrit të Kosovës, Albin Kurti, për takim me kryeministrin e Shqipërisë, Edi Rama.
Në një postim në Facebook, Haxhiu ka thënë se veprimet e kryeministrit Kurti janë “antikombëtare”.
“’Erdhi Dita’ që kryeministri i Kosovës mos të takohet me kryeministrin e Shqipërisë!!! Veprimet e Kurtit janë antikombëtare, inatçore, naive, janë ‘shizofreni’ politike!”, shkroi ai.
Kreun e ekzektuvit, deputeti i PDK-së e quajti “mashtrues”.
“Pikërisht mbi kauzën e tij të rrejshme, ‘bashkimin kombëtar’, mashtruesi Albin Kurti erdhi në pushtet, ndërsa sot refuzon ta takojë kryeministrin e Shqipërisë, duke i vënë kushte, a në anën tjetër takohet me Vuçiqin pa kushte”, shtoi më tej ai.