“Shpresoj veprimet e bandave kriminale brenda kuvendit i keni pa”.
Kështu ka deklaruar ministrja e Drejtësisë, Albulena Haxhiu, pas përplasjes në Kuvend, gjatë daljes së saj nga objekti.
Haxhiu tentoi ta parandalonte deputetin Lushtaku, i cili më pas e shtyu atë. Ministrja Haxhiu ishte në me të deputetëve që sulmonin njëri-tjetrin pasi përleshja filloi.
Teksa kryeministri i Kosovës, Albin Kurti, po fliste në foltoren e Kuvendit të Kosovës, ai është sulmuar nga deputetët e opozitës.
Ky reagim i opozitës vjen pasi zëvendëskryeministri Besnik Bislimi ka larguar fotografinë e vendosur në foltore nga deputetja e PDK-së, Ganimete Musliu.
Kurti është spërkatur fillimisht me ujë nga deputeti i PDK-së, Mergim Lushtaku, e më pas filloi përleshja në mes të deputetëve të opozitës dhe atyre të pushtetit.
Në këtë kohë zëvendëskryeministri Besnik Bislimi e ka goditur deputetin Lushtaku me shishe të ujit në fytyrë, ku më pas deputetët e pushtetit e të opozitës janë përfshirë në rrahje.
Mbrojtja e afërt e kryeministrit Kurti ka ndërhyrë menjëherë, ndërsa kuvendi shkon në pauzë për 30 minuta.