Haxhiu i quan “projekte të dështuara” akuzat e LDK-së për kapjen e institucioneve

Ministrja e Drejtësisë, Albulena Haxhiu, i ka quajtur përpjekje të dështuara, akuzat e përfaqësuesve të Lidhjes Demokratike të Kosovës, lidhur me kapjen e institucioneve të drejtësisë.

Për zëdhënsen e LDK-së, Sibel Halimi, qeveria po pretendon t’i kap edhe institucionet e pavarura, teksa i ka quajtur shqetësuese tendencat e qeverisë për të anashkaluar Komisionin e Venecias.

“Përpjekjet e opozitës për të njollosur dy iniciativa të rëndësishme, atë për reformën në sistemin prokurorial dhe atë për konfiskimin e pasurisë së zyrtarëve në rastet kur ajo nuk mund të justifikohet, janë të dështuara”, ka shkruar Haxhiu në Facebook.

Ndonëse për ministren e drejtësisë, rruga drejt reformave nuk do të jetë e lehtë, ajo ka theksuar se megjithatë ekziston një vullnët ‘i hekurt” për të bërë ndryshimet e duhura.

“Vendi ynë do të bëhet i jetueshëm, me drejtësi e barazi”, shtoi ajo.

Në konferencën e LDK-së, të mërkurën e 13 prillit, deputeti Driton Selmanaj,  ka thënë se me pretekstin për ç’ kapje, qeveria po mundohet t’i kap institucionet e drejtësisë.

“Shqetësim është se si po provohet që rekomandimet e Komisionit të Venecias të shfrytëzohen për legjitimim të qëllimeve jo të mira të institucioneve të Kosovës. Marrim projektligjin për Këshillin Prokurorial. Qeveria e ka dërguar në Komisionin e Venecias, dhe akoma pa e përfunduar ky komision punën e vet, qeveria e ka proceduar në Kuvend. Ne e shohim si tendencë për keqpërdorim”, ka thënë ai.

Sipas tij, ky dokument duhet të tërhiqet pasi përmbajtja e tij është klasike për kapjen e këtij institucioni.

“LDK-ja shpreh shqetësimin e saj për formën se si ka shkuar ky proces deri më sot pa përpjekje për një konsensus politik. Kanë vendosur që ta dërgojnë një koncept dokument e draft komentet që vijnë nga komisioni i Venecias flasin për probleme serioze”, ka thënë ai.

Ndryshe, Komisioni i Venecias më nëntë mars të vitit 2022, ka lëshuar draft-opinion, lidhur me versionin e ridërguar të Projektligjit për Këshillin Prokurorial të Kosovës.

Sipas këtij draft-opinioni, propozimi për ndryshimin e përbërjes së caktuar të Këshillit Prokurorial nga 13 në shtatë anëtarë nuk cenon standardet ndërkombëtare.

“Në këtë përbërje shtatë anëtarësh do të jenë Kryeprokurori i Shtetit sipas detyrës zyrtare, tre prokurorë të zgjedhur nga ana e prokurorisë themelore, të Apelit dhe Speciale, si dhe tre anëtarë jo prokurorë – dy të zgjedhur nga Kuvendi dhe një i caktuar nga Avokati i Popullit”.

Po ashtu, draft-opinioni i Komisionit të Venecias potencon se projektligji ka adresuar komentet e këtij komisioni lidhur me shkurtimin e mandatit të shumicës së anëtarëve aktualë të Këshillit, duke mundësuar që nga nëntë anëtarë aktualë tre prej tyre të vazhdojnë mandatin e tyre ligjor.

Sipas Komisionit të Venecias, ndryshimet e propozuara në këtë Projektligj paraqesin progres të qartë dhe përmbajtjesor krahasuar me Projektligjin që ishte dërguar në Komisionin e Venecias për herë të parë në fund të vitit 2021.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

As për 35 vjet qytetarët me rrogë mesatare nuk mund...

Paga mestare në Kosovë sipas Agjencisë së Statistikave të Kosovës (ASK) është 380 euro në sektorin privat, ndërsa ajo e sektorit publik është më...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Të fundit nga rubrika