Haxhiu – ministrit Vitia: Ky është i gatshëm të përgjigjet për gjithçka, vetëm për punën e tij jo

Ndërsa, më tutje Haxhiu theksoi se Vitia është në gjendje të përgjigjet për punën e PAN-it, por jo edhe për 12 milionë euro keqpërdorime nga Bordi i SHSKUK-së

Deputeti, Bekim Haxhiu

Deputeti i PDK-së, Bekim Haxhiu, në seancën plenare në Kuvend ka thënë se ministri i Shëndetësisë, Arben Vitia është i gatshëm për t’u përgjigjur për gjithçka, por vetëm për punën e tij nuk jep përgjigje.

Ky reagim i Haxhiut erdhi pasi ministri Vitia deklaroi se Qeveria PAN nuk ka miratuar asnjë ligj për shëndetësi.

“Dje ishte një lajm i mirë për Kosovën. U bë më në fund ligji për çmimin e barnave. Këtij ligji duhet t’i gëzohet secili qytetar. Kisha pas qejf që ky ligj të bëhet më herët, por fatkeqësisht nuk është bërë…Nuk është bërë më herët, sepse në Qeverinë e PAN-it asnjë ligj për Ministrinë e Shëndetësisë nuk është proceduar. Unë edhe atëherë kam thënë me udhëzim administrativ nuk zgjidhjet kjo çështje. Zgjidhet vetëm me ligj”, ka thënë Vitia.

Ndërsa, më tutje Haxhiu theksoi se Vitia është në gjendje të përgjigjet për punën e PAN-it, por jo edhe për 12 milionë euro keqpërdorime nga Bordi i SHKUK-së.

“Ky është i gatshëm për me u përgjigje për gjithçka, por vetëm jo për periudhën që udhëheq me ministrinë, ky është i gatshëm me u përgjigj për një organogram që po thotë të Bordi të PAN-it, por nuk është i gatshëm me u përgjigje për 12 milionë euro keqpërdorime nga Bordi i SHSKUK-së në vitin 2021 që i ka evidentuar Zyra e Auditorit Kombëtar. Ky thotë sot nuk nënshkruan kontrata pa autorizim marketingu, po po harron që në kohën e pandemisë ky është ministri që ka nënshkruar kontrata pa autorizim marketingu dhe për këtë është hetuar edhe nga Komisioni Hetimor Parlamentar. Ky për çdo gjë jep përgjigje, por jo për punën e tij”.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika