Ministrja e Drejtësisë, Albulena Haxhiu, ka thënë se pas Brukselit ka vazhduar takimet me vajzat dhe gra që mbështesin VV-në edhe në Malmo të Suedisë.
Haxhiu ka thënë se në këtë kanë diskutuar për regjistrimin e popullsisë, masat që ka ndërmarrë Qeveria në raport me vajzat dhe gratë e rregullimin e nënshtetësisë.
“Pas Berlinit, vazhduam në Malmo në takime me vajza dhe gra, mbështetëse të Lëvizjes.
Në këtë takim të përzemërt, folëm për regjistrimin e popullësisë si thirrje për regjistrim të mërgatës sonë, për reformat e Qeverisë, sidomos për veprimet e masat që i kemi ndërmarrë në raport me vajzat dhe gratë por edhe për rregullimin e nënshtetësisë, e po ashtu edhe për dhunën e femicidin, politikat që ndërlidhen me edukim, pavarësi financiare, rehabilitim e ndëshkim”, ka shkruar Haxhiu.