Ministrja e Drejtësisë, Albulena Haxhiu, ka bërë të ditur se vendimi për formimin e komisionit për dhënien e provimit të noterisë është nënshkruar.
Me anë të një postimi në Facebook, Haxhiu ka thënë se shumë shpejt do të organizohet provimi për noterinë.
“Sapo nënshkrova vendimin, me anë të së cilit, formohet Komisioni për Dhënien e Provimit të Noterisë. Shumë shpejt do të organizohet provimi për Noterinë, i cili ka për qëllim rritjen e transparencës dhe cilësisë”, ka shkruar ajo.
Ndër të tjera, ajo ka bërë të ditur se problemi me mungesën e noterëve në komuna do të zgjidhet shumë shpejt.