Haxhiu nuk pajtohet me vendimin e Kushtetueses: Për ta më i rëndësishëm është interesi individual

Gjersa ka thënë se nuk pajtohet me vendimin e Gjykatës Kushtetuese, ministrja Haxhiu ka theksuar se më me rëndësi për Kushtetuesen ishte interesi individual. Ajo ka thënë se injorimi i rekomandimeve nga Komisioni i Venecias paraqet një goditje për Kosovën, e cila sipas Haxhiut, ishte vlerësuar si e mirë për bashkëpunim

Ministrja e Drejtësisë, Albulena Haxhiu në një konferencë për media

“Për Gjykatën Kushtetuese më i rëndësishëm është interesi individual i antarëve të KPK-së dhe atë jo të gjithëve, por disa prej tyre, sesa interesi i përgjithshëm, sesa ndalimi i korporatizmit në një insitutcion të rëndësishëm për qytetarët e Kosovës, për vet sistemin prokurorial, për vet sistemin e  drejtësisë në përgjithësi”.

Kështu ka deklaruar ministrja e Drejtësisë, Albulena Haxhiu, gjersa ka theksuar se nuk pajtohet me vendimin e Gjykatës Kushtetuese, e cila vendosi ta rrëzojë Ligjin për Këshillin Prokurorial të Kosovës.

Pika e vendimit të parë u cilësua nga ana e Haxhiut si “paradoksale”. Ajo theksoi se “Kushtetuesja konstaton se përbërja aktuale e KPK-së është korporatiste, por në pikën e fundit thotë se nuk mund t’u ndërpritet mandati anëtarëve përmes shortit siç e kemi paraparë ne”.

Nga ana tjetër, ministrja Haxhiu tha se për të ishte befasuese edhe pika e cila parasheh se delegimi i një anëtari joprokuror nga Avokati i Popullit është jokushtetues.

“Delegimi i një anëtari joprokuror nga Avokati i Popullit është gjetur si jokushtetues. Kjo është tërësisht befasuese për ne. Komisioni i Venencias ka sugjeruar që një numër i caktuar i anëtarëve joprokurorë mund të rezervohen për institucionet e jashtme të pavarura…ka përmendur në veçanti Avokatin e Popullit”, ka thënë ajo.

Haxhiu ka theksuar se nuk ka ndërmend të japë dorëheqje ndonëse vazhdon të kërkohet nga radhët e opozitës.

Ndër të tjera, ajo ka thënë se injorimi i rekomandimeve nga Komisioni i Venecias paraqet një goditje për Kosovën, e cila, sipas Haxhiut, ishte vlerësuar si e mirë për bashkëpunim.

Lidhur me protestën e organizuar nga PSD-ja e cila ka kërkuar dorëheqjen e kryeministrit Kurti, Haxhiu tha se Kurti ka bërë zgjedhjen e duhur dhe nuk konsideron që interesat e Republikës së Kosovës dhe qytetarëve të saj po cenohen.

Gjykata Kushtetuese e Kosovës ka vendosur që ta shpallë të pavlefshëm Ligjin për Këshillin Prokurorial të Kosovës, ligj ky i cili ishte kërkuar të rivlerësohej nga deputetët e PDK-së dhe të LDK-së.

Ajo kishte vlerësuar se disa nene të këtij ligji ishin në mospërputhje me Kushtetutën e Kosovës.

 

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika