Kryetarja e Kuvendit të Kosovës, Albulena Haxhiu, ka kundërshtuar deklarimin e deputetit të Listës Serbe, Igor Simiq, i cili gjatë seancës konstituive tha se propozimi për nënkryetar po bëhet “në emër të popullit serb”.
Haxhiu e ka cilësuar këtë deklarim si të papranueshëm dhe në kundërshtim me Kushtetutën e Kosovës.
“Pas dhënies së fjalës nga radhët e komunitetit joshumicë serb, deputeti Simiq bëri një deklarim të papranueshëm. Ky deklarim është në kundërshtim me Kushtetutën e Kosovës. Popull serb ka në Serbi, Republika e Kosovës e ka popullin e Kosovës. Ta tërhiqni fjalën dhe ta bëni propozimin në përputhje me Kushtetutën”, ka thënë Haxhiu.