Ushtruesja e detyrës së Presidentes së Republikës së Kosovës, Albulena Haxhiu, ka pritur në një takim lamtumirës ambasadorin e Suedisë në Kosovë, Jonas Westerlund, me rastin e përfundimit të mandatit të tij diplomatik.
Gjatë takimit, Haxhiu shprehu mirënjohjen për mbështetjen e vazhdueshme që Suedia i ka dhënë Kosovës ndër vite, duke vlerësuar njëherësh angazhimin dhe kontributin e ambasadorit Westerlund në forcimin e marrëdhënieve dypalëshe.
Ajo e falënderoi diplomatin suedez për bashkëpunimin e ngushtë gjatë mandatit të tij në Kosovë dhe i uroi suksese në detyrat e ardhshme.
Sipas njoftimit, Haxhiu theksoi se partneriteti dhe miqësia ndërmjet Kosovës dhe Suedisë do të vazhdojnë të zhvillohen e të forcohen edhe në të ardhmen