Ministrja e Drejtësisë, Albulena Haxhiu, është takuar me homologun e saj nga Maqedonia, Igor Filkov.
Përmes një postimi në Facebook, Haxhiu ka shkruar se janë dakorduar për një takim pune të përbashkët në mes të dy ministrive në shtator, për të vazhduar diskutimin dhe veprimet në çështjet e interesit të përbashkët.
“Gjatë vizitës në Republikën e Maqedonisë së Veriut, zhvillova takim me Ministrin e ri të Drejtësisë, Igor Filkov, me të cilin u dakorduam për një takim pune të përbashkët mes dy ministrive në shtator për të vazhduar diskutimin dhe veprimet në çështjet e interesit të përbashkët dhe me qëllim të fuqizimit të bashkëpunimit. I ofrova mbështetjen time në adresimin e prioriteteve që lidhen me sundimin e ligjit,” ka shkruar Haxhiu.