Ushtruesja e detyrës së Presidentes së Kosovës, Albulena Haxhiu, ua ka dorëzuar dekretin e shtetësisë së Republikës së Kosovës Joe DioGuardit dhe Shirley Cloyes DioGuardit.
Ceremonia e dorëzimit të dekretit është zhvilluar në zyrën e Presidencës.
Joe DioGuardi, ish-kongresist amerikan dhe ish-kryetar i Ligës Qytetare Shqiptaro-Amerikane, është një prej përkrahësve të njohur të Kosovës në Shtetet e Bashkuara të Amerikës. Ai për vite me radhë ka lobuar për lirinë, pavarësinë dhe të drejtat e shqiptarëve të Kosovës.
Edhe Shirley Cloyes DioGuardi ka qenë për vite të tëra e angazhuar në promovimin e çështjes së Kosovës dhe të drejtave të shqiptarëve në SHBA.
Pas dorëzimit të dekretit, Haxhiu i ka uruar Joe dhe Shirley DioGuardin për marrjen e shtetësisë së Kosovës.