Nënkryetari i Lidhjes Demokratike të Kosovës, Lutfi Haziri, ka thënë se kryeministri i vendit, Albin Kurti, ishte përpjekur që marrëveshjen e Ohrit ta kamuflonte si ndryshim të marrëveshjes së periudhës 2013-2015.
Me anë të një postimi në Facebook, Haziri ka theksuar se Kurti, me ndërmjetësin ndërkombëtar ka bërë marrëveshje, “para deputetëve zbulon ‘tradhtarët’ e para popullit nuk ka bërë asgjë”.
“Gjysma e Qeverisë aktuale thotë nuk ka Asociacion, gjysma tjetër thotë kaNë takimin e 2 majit do të diskutohet draft-statuti i Asociacionit të Komunave me Shumicë Serbe, që Kurti e ka quajtur Zajednicë. Me marrëveshjen e Ohrit, Kurti u mundua ta kamuflojë si ndryshim i marrëveshjes 2013-2015”, shkroi Haziri.
Haziri shtoi se për Asociacionin, kryeministrit Kurti do t’i paraqitet draft-statuti i këtij mekanizmi pa e takuar grupin punues të Kosovës.
“Pa e ditur përbërjen sipas tyre të këtij grupi punues dhe pa e ditur se çka kanë punuar, dhe në çfarë niveli ka mbërri niveli i këtij draft-statuti. Gjysma e Qeverisë aktuale thotë nuk ka Asociacion, gjysma tjetër thotë ka. Me ndërmjetësin ndërkombëtar ka bërë marrëveshje, para deputetëve zbulon ‘tradhtarët’ e para popullit nuk ka bërë asgjë”, ka thënë ai.