Ish-kryetari i Gjilanit, Lutfi Haziri ka shkruar se Kosova ka hyrë në një fazë të pëlcitjes së problemeve sociale.
Sipas Hazirit, grevat po i politizon Qeveria e kryeministrit Kurti dhe nëse i shantazhon punëtorët e arsimit e shërbyesit e shtetit, ky nuk është asgjë tjetër pos politizim.
“Dialogu social është mekanizëm krejt tjetër. Ky dialog, nuk po ndodh nga përfaqësuesit e qeverisë me ata të sindikatave, përkundër inkurajimit dhe thirrjes nga ana e LDK-së. Në kontekst të kësaj, Kosova ka hyrë në një fazë të pëlcitjes së problemeve sociale dhe kësaj po i kontribuon Qeveria Kurti”, ka shkruar Lutfi Haziri.
Ish-kryetari i Gjilanit, Lutfi Haziri ka përfunduar duke thënë se kryetari i SBAShK-ut nuk mund të lëndohet nga askush që vjen nga ata që po administrojnë me Kosovën.