Përfaqësuesi i lartë i Bashkimit Evropian për Politikë të Jashtme e Siguri, Josep Borrell, ka reaguar pas nisjes së largimit të barrikadave serbe, të vendosura në fshatin Rudar të Zveçanit që nga 10 dhjetori.
Borrell ka deklaruar se diplomacia ka mbizotëruar në uljen e tensioneve në veri të Kosovës, pas sipas tij, dhuna nuk mund të jetë kurrë një zgjidhje.
Po ashtu, ai këtë “marrëveshje” për të larguar barrikadat në veri, ka thënë se e mirëpresin udhëheqjen e përgjegjshme të kryeministrit të Kosovës, Albin Kurti si dhe presidentit serb, Alekandër Vuçiq.
“Diplomacia mbizotëroi në uljen e tensioneve në veri të Kosovës. Dhuna nuk mund të jetë kurrë një zgjidhje. Mirëpresim udhëheqjen e përgjegjshme të Presidentit Vuçiq dhe Kryeministrit Kurti.”, ka shkruar Borrell në Twitter.
Ndërkaq, Borrell duke i falënderuar të gjithë të përfshirë, ka shtuar se kjo erdhi edhe nga puna e madhe ekipore e Bashkimit Evropian, Shteteve të Bashkuara të Amerikës, dhe NATO-s e KFOR-it.
Kryediplomati evropian, Borrell, ka përfunduar duke thënë se tani është e nevojshme përparimi urgjent në dialogun Kosovë-Serbi.