Të shtunën e 13 majit po mbahet heshtje zgjedhore në Shqipëri, në prag të zgjedhjeve të së dielës për kryetarët e bashkive.
Në këto zgjedhje, qytetarët e Shqipërisë do t’u drejtohen kutive të votimit për të zgjedhur kryetarët në 61 bashki të vendit, njëherit edhe përfaqësuesit në Këshillat Bashkiakë.
Të drejtë vote kanë 3.650.550 shtetas shqiptarë, prej të cilëve 122.545 janë zgjedhës për herë të parë.
Në të gjitha bashkitë e vendit janë 5.211 qendra votimi, të cilat do të presin votues nga ora 07:00-19:00.
Në këto zgjedhje garojnë rreth 140 subjekte politike, raporton A2news.
Në këto zgjedhje, në tri bashki të vendit, Kamëz, Vorë dhe Elbasan, do të votohet në mënyrë elektronike.