Në Nyon të Zvicrës janë hedhur shortet për çerekfinalet dhe gjysmëfinalet e UEFA Champions League.
Përballje të zjarrta do të ketë në këtë gamë garash me tetë skuadrat më të mira evropiane që do të përballen me njëra-tjetrën.
Shorti i çerekfinaleve të Ligës së Kampionëve
Real Madrid – Chelsea
Inter Milan – Benfica
Manchester City – Bayern Munich
AC Milan – Napoli
Dy nga përballjet më interesante apo më të forta në çerekfinale është padyshim ajo në mes të Manchester Cityt dhe Bayern Munichut dhe ajo mes Real Madrid dhe Chelseas.
Takime interesante pritet të jenë edhe ato në mes të Interit dhe Benficas, si dhe dy skuadrave italiane, Milanit dhe Napolit.
Janë mësuar edhe përballjet e mundshme në gjysmëfinalen e Ligës së Kampionëve
Nëse City do të arrijë në finalen e Ligës së Kampionëve, do të duhet ta bëjë këtë në mënyrën e vështirë.
City do të përballet me Bayern Munichun në çerekfinale, me ndeshjen e parë në shtëpi.
Blutë më pas përballen me Real Madrid ose Chelsea në gjysmëfinale, nëse mund të kalojnë Bayernin.
Pra, fituesi i duelit Real Madrid – Chelsea do të takohet në gjysmëfinale me fituesin Bayern Munich – Manchester City.
Përballja tjetër në gjysmëfinale do të jetë mes fituesve të dueleve Milan – Napoli dhe Inter – Benfika.
Çiftet e mundshme të gjysmëfinales në Ligën e Kampionëve
Real Madrid – Chelsea vs Man City – Bayern Munich
Inter – Benfica vs Milan – Napoli
Ndeshjet e para të çerekfinaleve do të luhen të martën më 11 prill dhe të mërkurën më 12 prill. Ndeshjet e kthimit do të luhen të martën më 18 prill dhe të mërkurën më 19 prill.
Gjysmëfinalet janë paraparë të zhvillohen më 9 dhe 10 maj ndeshjet e para dhe ato të kthimit me 16 dhe 17 maj. Finalja e madhe do të zhvillohet më 10 qershor në Stamboll të Turqisë.