Ambasadori i Shteteve të Bashkuara të Amerikës në Serbi, Christopher Hill në lidhje me mungesën e takimit Kurti-Vuçiq në Bruksel ka thënë se ShBA-ja është pak e dekurajuar.
Ai konsideron se dialogu aktualisht është në një situatë të vështirë duke shtuar se duhen bërë përpjekje reale për të arritur njëfarë progresi pasi sipas tij kanë kaluar shumë muaj gjatë të cilëve nuk është parë shumë.
“Jemi pak të dekurajuar aktualisht. Ne me të vërtetë përkrahim dhe vazhdojmë ta përkrahim procesin e BE-së dhe dialogun e Brukselit. Ne mendojmë që kjo është mënyra e duhur, në fakt mënyra e vetme. Mendoj që duhet të ketë një përpjekje të vërtetë për të bërë progres sepse, e dini, ka shumë muaj që nuk po ndodhë shumë. Kështu që, mendoj se kemi disa probleme me këtë. Jam i kënaqur që pala serbe ishte e gatshme të bisedojë. Është e rëndësishme”, ka thënë ai për N1.