Hill: Serbia duhet ta kuptojë se kjo nuk është ‘nëna Rusi’

Ambasadori i Shteteve të Bashkuara të Amerikës(ShBA) në Beograd, Christopher Hill, ka thënë se Serbia duhet ta shqyrtojë mirë se ku i ka interesat e saj kombëtare, pasi herët apo vonë, sipas tij, Serbia do ta kuptojë se është me Perëndimin

Ambasadori amerikan në Serbi, Christopher Hill

 




I pari i Diplomacisë Amerikane në Beograd, Christopher Hill, ka komentuar qëndrimin e Serbisë, lidhur me mosvendosjen e sanksioneve ndaj Rusisë. Sipas Ambasadorit të Shteteve të Bashkuara të Amerikës(ShBA) në Beograd, vendi i tij e mirëkupton se Serbia ka një histori të gjatë dhe të vështirë me sanksionet.

Por, Hill ka thënë se Serbia duhet ta shqyrtojë mirë se ku i ka interesat e saj kombëtare, pasi herët apo vonë, sipas tij, Serbia do ta kuptojë se është me Perëndimin.

“Do ta paralajmëroja Serbinë që ta kuptojë se kjo nuk është ‘nëna Rusi’, ne po përballemi me një Rusi tjetër”, ka sqaruar Hill.

Sipas tij, është e vështirë për Serbinë, pasi ky shtet për dekada me radhë ka raporte të mira me Rusinë.

Hill ka përfunduar duke i treguar se Rusia e sotme është një shtet ndryshe, pasi sipas tij, është një Rusi që brutalisht sulmon fqinjët e saj, dhe për këtë, ai ka thënë se edhe Serbia duhet të marrë një qëndrim.

Më 24 shkurt, Rusia kishte nisur pushtimin e Ukrainës. Shtet e Perëndimit kanë vendosur sanksione ndaj Rusisë, ndërsa Serbia është vendi i vetëm i Ballkanit Perëndimor që nuk i është bashkuar këtyre sanksioneve.

 





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika