Ambasadori amerikan në Beograd, Christopher Hill, ka thënë se negociatorët evropianë dhe amerikanë duan formimin e Asociacionit të Komunave me shumicë serbe dhe anëtarësimin e Kosovës në organizatat ndërkombëtare.
“Zgjidhja e situatës në Kosovë është e rëndësishme që Serbia t’i përkushtohet detyrës së saj qendrore për t’u përgatitur për anëtarësim në Bashkimin Evropian, duke u përkushtuar ndaj një sërë parimesh të përbashkëta të BE-së”, ka thënë Hill.
Ai foli edhe për faktin se Serbia duhet të bëjë atë që është në interesin e saj, pra t’i bashkohet sanksioneve kundër Rusisë.
“E keqja duhet të kundërshtohet dhe Bashkimi Evropian po e bën këtë”, ka sqaruar Hill.
“Serbia i kundërshtoi sanksionet për një kohë të gjatë dhe të gjithë e kuptuan mesazhin e saj, por edhe pse për çdo gjë ka një moment dhe një kohë, ajo kohë tani po mbaron”, ka deklaruar ai.
“Serbia duhet të bëjë atë që është në interesin e saj, dhe nuk kam asnjë dyshim për sinqeritetin e lidershipit serb, kur ajo lidership shpreh qartë dëshirën e saj për t’u bërë pjesë e Bashkimit Evropian dhe për të kaluar pjesën e fundit të rrugëtimit të saj drejt Perëndimit. Mesazhi është i qartë. Serbia do të jetë pjesë e Evropës. Ajo tashmë po ndodh. Është vetëm çështje ritmi dhe shtrirjeje”, ka përfunduar ambasadori amerikan në Serbi, raporton N1.