Elon Musk është një nga kritikët e teknologjisë së inteligjencës artificiale (AI), pasi ai thotë se AI përbën një rrezik për shoqërinë. Që kur kompanitë e teknologjisë zbuluan modele të AI me aftësinë për të krijuar imazhe nga futja e tekstit, ka pasur shumë imazhe të krijuara nga AI në internet. Shumë nga këto foto janë të personazheve të famshëm si Donald Trump, Elon Musk dhe Papa Françesku.
Disa foto të ngjashme që tregojnë CEO e Tesla-s duke puthur një robot femëror humanoid janë bërë virale. Një përdorues në Twitter, Daniel Marven, ka shpërndarë katër foto të Musk, në të cilat shihet miliarderi duke puthur robotë femra. Tweet-i, në të cilin janë shpërndarë këto foto, përmend se imazhet janë bërë nga AI me “personalitetin dhe karakteristikat e gruas që ai ëndërron.
“Elon Musk shpall gruan e ardhshme kush është ajo? Është roboti i parë që është projektuar posaçërisht me inteligjencë artificiale me personalitetin dhe karakteristikat e gruas së ëndrrave të tij. Nuk gjendet në asnjë person normal, sepse sigurisht që nuk ka asnjë person normal që i ka të gjitha specifikat e kërkuara”, thuhet në postimin e bërë në Twitter.
Por vijon duke sqaruar se këto nuk janë imazhe reale, por të krijuara nga Al, raporton The Mirror.
Humanoid robotik ‘Optimus’ i Tesla-s
Drejtori i Përgjithshëm i Tesla-s zbuloi një prototip të një roboti humanoid “Optimus” në tetor të vitit të kaluar. Roboti ndan disa softuer dhe sensorë të inteligjencës artificiale me veçoritë e ndihmës së shoferit Autopilot të makinave të tij Tesla.
Kohët e fundit, Tesla tregoi një pamje të re në Tesla Bots në atë që duket të jetë një shasi e gatshme për prodhim. Videoja tregon robotët duke ecur dhe sugjeron se ata mund të bëjnë gjëra të tjera, të tilla si kapja e objekteve dhe njohja e objekteve.