Analisti politik, Blendi Hodai, ka thënë se koalicioni Fronti Evropian dhe ai VLEN, nuk e kanë për qëllim integrimin evropian të Maqedonisë së Veriut, por vetëm pushtetin.
Ai, në “Debat Plus”, tha se lajm i keq për shqiptarët është vota e madhe për partinë maqedonase VMRO-DPMNE, e cila sipas tij mund ta formojë qeverinë e vetme.
“Të dy koalicionet nuk e kanë qëllimin Evropën apo ndryshimin, por qëllimi është pushteti. Me këtë fuqi që do e merr VMRO, që do t’i ketë 58 e 60 deputetë, edhe Livica mund të ketë grup parlamentar, që është parti ultranacionaliste do ta minimizojë fuqinë e partive shqiptare”, tha ai.