Analisti politik, Blendi Hodai, vizitët e kryeministrit Albin Kurti në veri e quajti “sfilatë”, teksa shtoi se kjo do të jetë një pjesë e një strategjie që LVV-ja do të përdorë gjatë fushatës zgjedhore në vend.
Hodai në “Debat Plus” tha se se vizita e kryeministrit Albin Kurti dhe disa deputetëve të Lëvizjes Vetëvendosje në Mitrovicë është rezultat i asaj që u është servuar nga shumë analistët në vend.
Por, edhe deklarimet e Daut Haradinaj gjatë javës së kaluar se “Albin Kurti është bashkëpunëtor i Serbisë”, Hodai tha ajo i ka lejuar të ketë “hapësirë propagandistike” që sukseset e veriut të jetë kryetema e fushatës zgjedhore nga Lëvizja Vetëvendosje
“Sfilata që kishte Albin Kurti në veri. Është një pjesë e një strategjie që LVV-ja do ta përdorë gjatë kësaj fushatës zgjedhore. Dhe nuk do të fokusohet aq shumë sesa kanë integruar ata veriun në krejt sovranitetin e Kosovës. Pse do të ndodhë kjo dhe sfilata e Kurtit dhe disa deputetë të lëvizjes Vetëvendosje, në Mitrovicë kjo është si rezultat i asaj që u është servuar LVV-së gjatë javëve të kaluara me shumë eksponentë dhe analistë të ndryshëm. Me retorikën, ku e pashë nga AK-ja dhe Daut Haradinaj që Albin Kurti është bashkëpunëtor I Serbisë. Kjo retorikë I ka dhënë një hapësire propagandistike që VV-ja, atë që kanë bërë në veri do të jetë si kryetemë e fushatës zgjedhore”, deklaroi Hodai.
Hodai theksoi se Kosova ka shumë “probleme të mëdha” qoftë për mungesën e sigurimeve publike shëndetësore, por edhe me procesin e arsimimit, ku e quan “skandaloze” cilësinë e saj.