Holanda tashmë është bërë çerekfinalistja e parë, pasi ka mposhtur Shtetet e Bashkuara të Amerikës me rezultat 3:1.
Mbrojtësi holandez, Denzel Dumfries ishte i jashtëzakonshëm, pasi shënoi një gol dhe dy asistime teksa Holanda mundi SHBA -në për të siguruar vendin e saj në çerekfinale të shtunën.
Dumfries kishte asistuar për Memphis Depayn në minutën e 10-të, dhe për Daley Blindin në minutën e parë të kohës shtesë në pjesën e parë.
SHBA-ja ngushtoi epërsinë me zëvendësuesin Haji Wright në minutën e 76-të, por, Dumfries shfrytëzoi shumë mirë asistimin e Blindit në minutën e 81-të, dhe vulosi rezultatin final të takimit dhe kualifikimin tutje të Holandës.
Holanda, çerekfinalistja e parë e Botërorit, do të luajë me fituesin e ndeshjes Argjentinë – Australi, e cila do të zhvillohet të shtunën me fillim nga ora 20:00.